सुदूरपश्चिमका दुई अस्पतालमा ६० वर्ष माथिका नागरिकलाई उपचारमा ५० प्रतिशत छुट
2021/03/13, 11:16
 
death

सुदूरपश्चिमका दुई अस्पतालमा ६० वर्ष माथिका ज्येष्ठ नागरिकलाई उपचार तथा स्वास्थ्य सेवामा  ५० प्रतिशत छुट दिनुपर्ने व्यवस्था गरेको छ।  प्रदेशको धनगढीमा रहेको सेति प्रादेशिक अस्पताल र डडेल्धुरा अस्पतालमा ६० वर्ष माथिका ज्येष्ठ नागरिकलाई उपचार तथा स्वास्थ्य सेवामा ५० प्रतिशत छुट हुने भएको हो ।

स्वास्थ्य तथा जनसंख्या मन्त्रालयले जारी गरेको जेरियाट्रिक (ज्येष्ठ नागरिक) स्वास्थ्य सेवा सञ्चालन निर्देशका २०७७ ले ज्येष्ठ नागरिकलाई अस्पताल व्यवस्थापनबाट तोकिए बमोजिमका निश्चित सेवामा ५० प्रतिशत छुट दिनुपर्ने व्यवस्था गरेको हो।

अस्पतालले उपलब्ध गराएको वार्ड वा शय्याको प्रयोग नगरी प्राइभेट वार्ड वा क्याबिनमा बसी उपचार गराउँदा लागेको खर्चमा भने कुनै छुट सुविधा नहुने  जनाएको छ । सरकारले आर्थिक वर्ष २०७७-७८ सम्म जेरियाट्रिक ज्येष्ठ नागरिक स्वास्थ्य सेवा सात वटै प्रदेशमा गरी २४ वटा अस्पतालहरुमा यो सेवा सुरु  भएको हो ।