कैलालीमा एक नवजात शिशु मृत अवस्थामा फेला परेका छन् । धनगढी उप–महानगरपालिका वडा नम्वर ३ को मोहना नदीमा भर्खरै जन्माएको शिशु मृत फेला परेको हो । मेहोना नदीमा मृत शिशु बगेर आएको अवस्थामा फेला परेको जिल्ला प्रहरी कार्यालय कैलालीका प्रहरी निरिक्षक हिक्मत वहादुर थापाले जानकारी दिए ।
नदीमा शिशुको शव बगिरहेको अवस्थामा देखेपछि स्थानीयले प्रहरीलाई खबर गरेका थिए । मृत अवस्थामा भेटिएको शिशु फाल्ने व्यक्तीको पहिचान भने हुन नसकेको प्रहरीले जनाएको छ ।
उता कञ्चनपुरमा पनि एक जनाको शव फेला परेको छ । भीमदत्त नगरपालिकामा बुधवार साँझ एक जना पुरुषको शव भेटिए कञ्चनपुर प्रहरीले जनाएको छ । भीमदत्त नगरपालिका–१८ र १५ को सीमा (गोबरिया) नहर नजिकै भीमदत्त नगरपालिका जानकीटोलका ४० वर्षीय शिवराज बिकको शव भेटिएको वडा प्रहरी कार्यालय महेन्द्रनगरका प्रहरी निरीक्षक मोहनजंग बुढथापाले बताए ।
मृतक बिक केही दिनदेखि घरपरिवारको सम्पर्कमा नरहेको समेत प्रारम्भिक अनुसन्धानबाट खुलेको जनाएको छ ।
सम्बन्धित वर्गका समाचारहरू
