बैतडीमा जिप दुर्घटना हुँदा ३ जना घाइते
2021/03/30, 10:45
 
accidnet

बैतडीमा बोलेरो जिप दुर्घटना भएको छ ।  प्रहरीका अनुसार जिप ब्रेक फेल भएर दुर्घटना भएको हो । 

अत्तरियाबाट दार्चुलाका लागि छुटेको भे १ च ३५११ नम्बरको जिप महाकाली लोक मार्ग अन्तर्गत बैतडीको दोगडाकेदार गाउँपालिका ३ सिल्लेगडा नजिकै मंगलबार बिहान साढे ५ बजेतिर भएको दुर्घटनामा परी जिपमा सवार तीन जना सामान्य घाइते भएका छन् । 

चालक सहित चार जना सवार रहेको जिप दुर्घटनामा परी दार्चुलाको अपि हिमाल ५ का जनकसिंह धामीको बायाँ हातमा चोट लागेको छ । भने जिपमा सवार अन्य दुई जना भने सामान्य घाइते भएका छन् ।

दार्चुलाको अपि हिमाल ५ का चालक वीरेन्द्र धामी फरार रहेको र चालकको खोजी भइरहेको खोचलेक प्रहरी चौकीका प्रमुख प्रहरी नायव निरीक्षक मोतीसिंह बमले बताए ।