धनगढीको सनराइज होटलमा मृत भेटिएका तिलक भण्डारीका आफन्त आन्दोलित भएका छन्। प्रहरीले घटनामा दोहोरो भूमिका खेलेको आरोप लगाउँदै आक्रोशित बनेका उनीहरुले ट्राफिक चौराहामा सडक अवरुद्ध गरिहेका छन् ।  

बुधबार राति होटलमा बसेका बेला धनगढी उपमहानगरपालिका–१७ धुरजन्नाका भण्डारी कोठामा झुण्डिएको अवस्थामा मृत फेला परेको प्रहरीले जनाएको छ। मृतकका आफन्तले घटना शंकास्पद रहेका बेला प्रहरीले दोहोरो भूमिका देखाएको आरोप लगाएका छन्। उनीहरुले आफूहरुको सहमती विपरीत जबरजस्ती प्रहरीले होटलबाट शव उठाएको समेत आरोप लगाएका छन्।

यता जिल्ला प्रहरी कार्यालयका अनुसार  होटलमा काम गर्दै आएकी एक युवतीलाई अनुसन्धानका लागि पक्राउ गरिएको जनाएको छ । प्रहरीले युवतीको नाम भने सार्वजनिक गरेको छैन।

यसै बिच प्रहरीले ट्राफिक चौराहा  चौराहमा सडक अवरुद्ध पार्न खोज्ने ३ जनालाई पक्राउ गरेको जिल्ला प्रहरी कार्यालयका सह प्रवक्ता प्रहरी निरीक्षक हिक्मत थापाले बताए । प्रहरीले घटनाको अनुसन्धान गरिरहेको  जनाएको छ । मृतकको शव भने सेती प्रादेशिक  अस्पतालमा राखिएको छ ।

प्रहरीले धनगढी चौराहमा सडक अवरुद्ध पार्न खोज्ने ३ जनालाई पक्राउ गरेको छ।  सनराइज होटलमा धनगढी उप–महानगरपालिका–१७ का तिलक भण्डारी मृत भेटिएका घटनामा प्रहरीले दोहोरो भूमिका खेलेको भन्दै आन्दोलित भएका ३ जनालाई पक्राउ गरिएको प्रहरीले जनाएको छ।

जिल्ला प्रहरी कार्यालय कैलालीका सह प्रवक्ता प्रहरी निरीक्षक हिक्मत थापाले उनीहरुलाई नियन्त्रणमा लिएको जानकारी दिए। तर प्रहरीले पक्राउ परेकाहरुको नाम भने सार्वजनिक गरेको छैन। 

गएराति सनराइज होटलमा बसेका बेला कोठामा झुण्डिएको अवस्थामा भण्डारी मृत फेला परेको प्रहरीले जनाएको छ। घटनाको अनुसन्धानका लागि यसअघि भण्डारीकै सिफारिसमा होटलमा काममा लागेकी युवतीलाई प्रहरीले नियन्त्रणमा लिएको छ।

नगढीको सनराइज होटलमा पुरुष मृत भेटिएको घटनामा होटलमै कार्यरत युवतीलाई प्रहरीले नियन्त्रणमा लिएको छ।

ट्राफिक चौराह नजिकै रहेको होटलमा कार्यरत धनगढी उप–महानगरपालिका–१७ का ४३ वर्षीय तिलक भण्डारी मृत भेटिएको घटनाको अनुसन्धानका लागि युवतीलाई नियन्त्रणमा लिएको प्रहरीले जनाएको छ।

जिल्ला प्रहरी कार्यालयकाअनुसार मृतककै सिफारिसमा होटलमा काम गर्दै आएकी ती युवतीलाई अनुसन्धानका लागि पक्राउ गरिएको हो। प्रहरीले युवतीको नाम भने सार्वजनिक गरेको छैन।

२ दिनदेखि सोही होटलमा बसिरहेका भण्डारी बिहीबार बिहान कोठामा झुण्डिएको अवस्थामा फेला परेको प्रहरीले जनाएको छ। मृतकका आफन्तले घटना शंकास्पद रहेकाले अनुसन्धानको माग गरेका छन्।