नेपाल पत्रकार महासंघको प्रदेश अध्यक्षमा उम्मेदवारी दिएका मनमोहन स्वाँर र दिलबहादुर छत्यालले उम्मेदवारी फिर्ता लिएका छन् । 

स्वाँरले प्रेस युनियन र छत्यालले प्रेस चौतारीबाट प्रदेश अध्यक्षमा उम्मेदवारी दिएका थिए । उनीहरुले शुक्रबार उम्मेदवारी फिर्ता लिएको प्रदेश निर्वाचन समितिको कार्यालयले जानकारी दिएको छ । 

यसैगरी, प्रदेश समितिको महासचिवमा उम्मेदवारी दिएका गणेशदत्त भट्ट, मुकेश चौधरी (टेंर्रा) र नवराज भण्डारीले पनि उम्मेदवारी फिर्ता लिएका छन् । अब युनियनबाट योगेश रावल र प्रेस चौतारीबाट कृष्ण ओलीबीच अध्यक्षका लागि प्रतिस्पर्धा हुनेछ ।