गएराती कैलालीको गोदावरी नगरपालिका अत्तरियामा रोकि राखेको ट्रकमा कार ठोकिदाँ एकजनाको मृत्यु भएको छ भने अर्का एकजना गम्भीर घाइते भएका छन ।
गोदावरी नगरपालिका २ पहाडी रोडमा रहेको खाने पानी ट्याँकी नजिक रोकि राखेको से १ ख १७३१ नम्बरको ट्रकमा बा १४ च ४६३४ नम्बरको कार ठोकिदाँ कारमा सवार एक महिलाको मृत्यु भएको प्रहरीले जनाएको छ ।
जिल्ला प्रहरी कार्यालय कैलालीका निमित्त प्रहरी प्रमुख प्रहरी नायब उपरीक्षक (डिएसपी) प्रतीक बिष्टले मृतक महिला सुर्खेत छिन्छुकी अन्दाजी २५/२६ बर्षिया सुनिता पुन मगर रहेको बताए ।
धनगढी स्थित सेती प्रादेशिक अस्पतालमा उपचारकै क्रममा पुन मगरको मृत्यु भएको डिएसपी बिष्टले जानकारी दिए ।
कारका चालक कञ्चनपुरको शुक्लाफाँटा नगरपालिका वडा नम्बर ५ वनसमितिका २८/३० वर्षिय नरेन्द्र कुँवर घाइते भएका छन् । उनको धनगढी स्थित निसर्ग अस्पतालमाको आइसियुमा उपचार भैरहेको प्रहरीले जनाएको छ ।
सम्बन्धित वर्गका समाचारहरू
