सुदूरपश्चिम प्रदेश सभाको बैठकले आर्थिक वर्ष २०७७, ७८ को नीति तथा कार्यक्रमलाई बहुमतले पारित गरेको छ । सुदूरपश्चिम प्रदेश सरकारले जेठ १९ गते आगामी आर्थिक वर्षको नीति तथा कार्यक्रम प्रदेश सभामा प्रस्तुत गरेको थियो ।

शुक्रबार बैठकमा मुख्यमन्त्री त्रिलोचन भट्टले नीति तथा कार्यक्रममाथिको छलफलमा उठेका प्रश्नहरूको जवाफ दिँदै उपयुक्त सुझावलाई नीति तथा कार्यक्रम र बजेटमा समेट्ने प्रतिबद्धता व्यक्त गरे ।

उनले प्रदेश सरकारलाई केही संयन्त्र अभावमा काम गर्न असहज हुँदा हुँदै पनि जनतालाई राहत हुने काम गरेको जिकिर गरे ।