सुदूरपश्चिम प्रदेशमा पछिल्लो २४ घण्टामा थप ५८ जना कोरोना मुक्त भएका छन् ।

स्वास्थ्य निर्देशनालय डोटीको तथ्यांक अनुसार बुधबार (आज) प्रदेशका बिभिन्न जिल्लाका ५८  जना कोरोना जितेर घर फर्किएको जनाएको छ ।

यस्तै प्रदेशमा आज ३८५ जना कोरोना संक्रमित थपिएका छन् ।

प्रदेशमा पीसीआर र एन्टिजेन विधिबाट एक हजार २ सय ५१ जनाको परीक्षण गर्दा ३८५ जनामा कोरोना संक्रमण पुष्टि भएको स्वास्थ्य निर्देशनालयले जनाएको छ ।

एन्टिजेन विधिबाट ५९२  जनाको परीक्षण गर्दा १३३ जना र पीसीआर विधिबाट ६५९ जनाको परीक्षण गर्दा २५२  जनामा संक्रमण पुष्टि भएको हो ।

२४ घण्टामा  थप ११ जनाको कोरोना कारण मृत्यु भएको छ । सुदूरपश्चिममा हालसम्म १५४ जना संक्रमितको मृत्यु भएको निर्देशनालयले जनाएको छ ।