कैलाली सशत्र प्रहरीले मोटरसाइकल सहित करिब तीन लाखको अवैध सामग्री बरामद गरेको छ । भजनी नगरपालिकामा सशस्त्र प्रहरीको टोलीले २ लाख ७९ हजार बराबरको सुर्ती बरामद गरेको हो ।

बरामद गरिएको अवैध सामग्री खक्रौला भन्सार नाकामा बुझाइएको सशस्त्र प्रहरी बल नेपाल नम्बर ३४ गणका प्रहरी नायव उपरीक्षक भीम चन्दले जानकारी दिए । मोटरसाइकल चालक भने फरार रहेको र खोजी कार्य जारी रहेको चन्दले बताए । 

लकडाउनका बेला सीमा नाका बन्द भएकाले पछिल्लो एक हप्ता यता अवैध सामग्री ओसार पसारमा बुद्धि भएको डिएसपी चन्दले बताए । उनका अनुसार एक हप्तामा ५ लाख बराबरको अवैध सामग्री बरामद गरिएको छ । ती अवैध सामग्रीमा बढीजसो सुर्ती रहेको प्रहरी नायव उपरीक्षक भीम चन्दले बताए ।