कैलालीमा अक्सिजन ग्यासको सिलिण्डर बोकेको ट्रक दुर्घटना हुँदा चार जना घाईते भएका छन् ।

नेपालजञ्जबाट महेन्द्रनगर जाँदै गरेको म १ ख ३०४ नम्बरको ट्रक घोडाघोडी नगरपालिका ५ को डोकेबबजार क्षेत्रमा बिहिबार बिहान ११ बजे दुर्घटनामा परेको जिल्ला प्रहरी कार्यालय कैलालीका प्रहरी प्रमुख तथा प्रहरी नायब उपरीक्षक भरत चौधरीले बताए ।

उनका अनुसार बर्दियाका २८ बर्षिय कर्ण बहादुर थापाले चलाएको ट्रकको पछाडीको टायर पड्किदा आफै अनियन्त्रित भएर दुर्घटना भएको हो ।

दुर्घटनामा घाईते भएका चारै जनाको अवस्था सामान्य रहेको प्रहरी नायब उपरीक्षक चौधरीले बताए ।