कोरोना भाइरसको संक्रमणबाट बैतडीमा थप एक जनाको मृत्यु भएको छ ।

पाटन नगरपालिका–४ का ४० वर्षीय संक्रमित पुरुषलाई थप उपचारका लागि धनगढी लैजाँदै गर्दा बाटोमै मृत्यु भएको जिल्ला अस्पतालका प्रमुख डा. वसन्तराज जोशीले बताए ।

वैशाख २२ गते कोरोना पुष्टि भएर जिल्ला अस्पतालको आइसोलेसनमा उपचाररत ती पुरुषको स्वास्थ्यमा थप जटिलता आएपछि शुक्रबार धनगढी रेफर गरिएको थियो ।

धनगढी लैजाँदै गर्दा ती पुरुषको अनारखोलीमा मृत्यु भएको हो । मृतकको शव नेपाली सेनाले व्यवस्थापन गर्ने जनाइएको छ ।

कोरोना संक्रमणबाट बैतडीमा हालसम्म ६ जनाको मृत्यु भएको स्वास्थ्य कार्यालयको तथ्यांक छ ।