सुदूरपश्चिम प्रदेशमा आज थप ३० जना कोरोना संक्रमितको मृत्यु भएको छ ।
प्रदेश स्वास्थ्य निर्देशनालय दीपायलले दिएको जानकारी अनुसार विभिन्न अस्पतालमा उपचाररत थप ३० जना संक्रमितको मृत्यु भएको हो । १५ जना पीसीआर र १५ जना एन्टिजेनमार्फत परीक्षण गर्दा संक्रमण पुष्टि भएका व्यक्तिको मृत्यु भएको निर्देशनालयले जनाएको छ ।
योसंगै सुदूरपश्चिम प्रदेशमा कोरोना संक्रमणबाट ज्यान गुमाउनेको संख्या तीन सय १७ पुगेको छ । यस्तै पछिल्लो २४ घण्टामा प्रदेशका नौँ सय ६४ जनामा कोरोना संक्रमण पुष्टि भएको छ ।
योसंगै प्रदेशमा संक्रमितको संख्या २८ हजार चार सय नाघेको छ भने सात हजार ८ सय बढि संक्रिय संक्रमित रहेका छन् । उनीहरुमध्ये दुई सय ६८ जनाको प्रदेशका विभिन्न अस्पतालमा उपचार भइरहेको छ ।
2024/05/06, 5:50
2024/05/06, 3:41
2024/05/06, 3:39
2024/05/06, 3:36
2024/05/06, 3:32
2024/04/12, 2:42
2024/04/12, 2:20
2024/04/12, 2:07
2024/04/12, 2:02
2020/06/07, 8:13
2020/10/10, 10:49
2023/12/24, 11:39
2021/04/09, 9:52