सुदूरपश्चिम प्रदेशमा पछिल्लो २४ घण्टामा ३० जना कोरोना संक्रमितको मृत्यु भएको छ ।
कैलाली, कञ्चनपुर, डोटी, डडेल्धुरा, दार्चुला, बझाङ, अछाम र बाँकेका गरेर ३० जना संक्रमितको मृत्यु भएको प्रदेश स्वास्थ्य निर्देशनालयले जनाएको छ ।
निर्देशनालयका अनुसार सबैभन्दा धेरै कैलालीमा १२ जना, कञ्चनपुरमा ८ जना, डडेल्धुराका ३ जना, दार्चुलाका २ जना, अछामका २ जना, डोटी, बझाङ र बाँकेका १/१ जना संक्रमितको मृत्यु हो ।
यो सँगै प्रदेशभर कोरोना संक्रमणबाट ज्यान गुमाउनेको संख्या ३ सय १७ पुगेको छ ।
यस्तै प्रदेशभर बितेको २४ घण्टामा ९ सय ६४ जना कोरोना संक्रमित थपिएका छन् । एन्टिजेन र पीसीआर विधिबाट दुई हजार ६ जनाको नमूना परीक्षण गर्दा ९ सय ६४ जनामा संक्रमण पुष्टि भएको स्वास्थ्य निर्देशनालयले जनाएको छ ।
शुक्रबार प्रदेशका विभिन्न जिल्लाका २ सय १३ जना संक्रमणमुक्त भएका निर्देशनालयले सार्वजनिक गरेको तथ्यांकमा उल्लेख छ ।
सम्बन्धित वर्गका समाचारहरू
