नि:शुल्क अक्सिजन अभियान सञ्चालन गर्दै आएको ह्युमानिटी फाउण्डेसन नेपाललाई  भागेश्वर ग्रुपका सञ्चालक तथा नेपाल उद्योग वाणिज्य महासंघ सुदूरपश्चि प्रदेश समितिका अध्यक्ष शंकर बोगटीले सहयोग गरेका छन् ।  ह्युमानिटी फाउण्डेसन नेपालले अक्सिजनको अभावमा मृत्यु भईरहेकाहरुको जीवन रक्षाका लागि थालेको नि:शुल्क अक्सिजन अभियानमा  उनले  एक लाख रुपैया सहयोग गरेका हुन् ।

फाउण्डेसनका महासचिव दीर्घराज उपाध्यायले ह्युमानिटी फाउण्डेसनले सञ्चालन गरिरहेको निशुल्क अक्सिजन अभियानमा सहयोग गरेकोमा बोगटी प्रति आभार व्यक्त गरे ।

ह्युमानिटी फाउण्डेसनले सुदूरपश्चिमका सरकारी अस्पतालहरुमा निशुल्क अक्सिजन उपलब्ध गराउदै आएको छ । ह्युमानिटी फाउण्डेसन नेपालले कोरोना रोकथाम र नियन्त्रणका लागि स्थानीय प्रशासन, अस्पताल तथा सरकारहरुसंगको समन्वयमा ह्युमानिटी फाउण्डेसनले काम गर्दै आएको छ ।

ह्युमानिटी फाउन्डेसन नेपालको अभियानमा जोडिन एभरेष्ट बैंक लिमिटेड धनगढी शाखामा रहेको खाता नम्बर  ०११००१०५२००७७२ मा रकम जम्मा गर्न सकिनेछ ।