सुदूरपश्चिम मोबाइल बितरक संघले रोटरी क्लब धनगढीले चलाएको अक्सिजन कन्सन्ट्रेटर खरिद अभियानमा आर्थिक सहयोग गरेको छ। सुदुरपश्चिममा छरिएर विभिन्न अन्तर्राष्ट्रिय मोबाईल ब्रान्डको व्यवसाय गर्दै आएको व्यावसायीहरुको संगठन सुदुरपश्चिम् मोबाईल बितरक संघले रोटरी क्लब धनगढीले चलाएको अक्सिजन कन्सन्ट्रेटर अभियानमा एक थान कन्सन्ट्रेटरको खरिद मुल्य बराबरको सहयोग गरेको छ । संघले १ लाख ३० हजार सहयोग गरेको हो।
अभियानमा संघको कार्य समितिका साथै सुदुरपश्चिमका विभिन्न ठाउँमा मोबाईलको डिलर लिएका व्यवसायीले पनि सहयोग गरेको रकम बुझाएको संघका अध्यक्ष जितेन्द्र बोगटीले बताए ।
कोरोनाका गम्भीर प्रकृतिका बिरामीको जीवन रक्षाका लागि प्रति घण्टा १० लिटर अक्सिजन प्रदान गर्ने १ सय थान अक्सिजन कन्सन्ट्रेटर खदिर गरी अस्पतालहरुलाई वितरण गर्ने क्लबले निर्णय गरेको छ।
सोही अभियानका लागि क्लबलाई १ करोड ३० लाख रकम आवश्यक परेको हुँदा सबैलाई सहयोग गर्न अध्यक्ष तोयराज भट्टले आग्रह गरेका छन्।
क्लबले सहयोग रकम रोटरी क्लब अफ धनगढीको एभरेष्ट बैंक लिमिटेड धनगढी शाखामा रहेको खाता नम्बर ०११००५०१२२५२३९ मा जम्मा गर्न आग्रह गरेको छ। सम्पर्कका लागि ९८५८४२०२२४, ९८४१६३३०००, ९८५८४२०१६३ र ८५८४२२४२७ मा फोन गर्न सकिनेछ।
सम्बन्धित वर्गका समाचारहरू
