कांग्रेसले लोकतन्त्र र संविधानलाई कुल्चेर मध्यरातमा संसद विघटन गरेर मध्यावधि निर्वाचन घोषणा पीडित जनतालाई निर्मम उपहार भएको टिप्पणी गरेको छ । महामामारीमा मृत्युसँग जुधिरहेका जनतालाई प्रधानमन्त्रीले मध्यावधिको निर्मम उपहार दिएको कांग्रेस प्रवक्ता विश्वप्रकाश शर्माले बताएका हुन् ।
नेपाली कांग्रेसका प्रवक्ता विश्वप्रकाश शर्माले मध्यावधि चुनाव प्रधानमन्त्री केपी शर्मा ओलीलाई महंगो पर्ने बताएका छन्। सामाजिक सञ्जाल ट्वीटरमा शर्माले यस्तो बताएका हुन्। महाभारतकाे प्रसंग काेट्याउँदै उनले भनेका छन्, ‘ अहंकारकाे वृक्षमा विनासकाे फल लाग्छ’
‘बुझी राख्नु राष्ट्रपति महोदय र कमरेड प्रधानमन्त्रीजी’, शर्माले ट्वीटरमा लेखेका छन्, ‘महाव्याधिका बेला मध्यावधिको रंगीन सपना महंगो पर्नेछ । संविधानको सामुहिक बलात्कारको दुष्परिणाम महंगो पर्नेछ।’
सरकारको सिफारिसमा राष्ट्रपति विद्यादेवी भण्डारीले संसद विघटन गरेर कार्तिक २६ र मंसिर ३ गते गरी दुई चरणमा निर्वानको मिति घोषणा गरिएको छ।
सम्बन्धित वर्गका समाचारहरू
