नेकपा एमालेको सुदूरपश्चिम प्रदेशको संसदीय दलको बैठक आज बसेको छ । बैठक अहिले ढिलोगरी सुरु भएको एमाले प्रदेश सभा सदस्य अमरबहादुर साँउदले जानकारी दिए । बैठक मंगलबार बस्ने भनिए पनि आन्तरिक कारण बस्न नसकेको बताईएको छ ।

“हिजो सबै साथीहरुलाई सूचना पुगेको रहेनछ । हिजो सामान्य अनौपचारिक छलफल भयो । त्यसैले अहिले बैठक बसिरहेका छौं ।” उनले भने ।

सोमबार बालुवाटारमा बसेको एमालेको स्थायी कमिटी बैठकले प्रदेश सरकारलाई दिएको समर्थन फिर्ता लिन निर्देशन दिएको थियो । त्यसपछि संसदीय दलको बैठक बसिरहेको हो । तर, सुदूरपश्चिम प्रदेशमा खनाल–नेपाल समूहका सांसदको बहुमत छ । एमालेको निर्णय कार्यान्वयन नहुने सम्भावना रहेको नेताहरु बताउँछन् ।