धनगढीको सेती प्रादेशिक अस्पतालमा गरिएको परीक्षणमा थप २९ जना कोरोनाको संक्रमण पुष्टि भएको छ । बुधबार अस्पतालको प्रयोगशालामा १ सय १७ जनाको नमूना परीक्षण गरिएकोमा २९ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।

सूचना अधिकारी श्रेष्ठका अनुसार अस्पतालमा पछिल्लो २४ घण्टामा थप ८ जना बिरामी भर्ना भएका छन् भने निको भएर डिस्चार्ज हुनेको संख्या शुन्य रहेको छ । हाल अस्पतालमा २७ जना संक्रमित उपचाररत रहेका छन् । जसमध्ये ४ जनाको आइसियूमा राखेर उपचार भइरहेको छ भने २ जनालाई भेन्टिलेटरमा उपचार भईरहेको छ।