दार्चुलाका जयसिंह धामी बेपत्ता प्रकरणबारे छानबिन गर्न गठित समितिले प्रतिवेदन बुझाएको छ ।

मंगलबार साँझ गृह मन्त्रालयमा समितिका संयोजक सहसचिव जनार्दन गौतमले एक महिना लामो समय लगाएर तयार पारिएको प्रतिवेदन गृहमन्त्री बालकृष्ण खाँणलाई बुझाएका हुन् । प्रतिवेदनमा के छ भन्ने विषय औपचारिक रुपमा खुलाइएको छैन ।

सरकारले गृहका सहसचिव गौतमको नेतृत्वमा साउन १७ गते छानबिन समिति गठन गरेको थियो ।

यस सम्बन्धी संक्षिप्त बेहोराbसहितको विवरण  सार्वजनिक गरिने गृह मन्त्रालयका प्रवक्ता फणिन्द्रमणि पोखरेलले जानकारी दिए ।

२०७८ साउन १५ गते दार्चुलाको ब्यास गाउँपालिका–२ मालका ३३ वर्षीय धामी तुइनबाट खसेर महाकालीमा बेपत्ता भएका थिए ।  बेपत्ता भएका उनको शव अहिलेसम्म भेटिएको छैन ।

Edit Ad