सेती प्रादेशिक अस्पतालमा शुक्रबार गरिएको कोरोना परिक्षणमा थप २४ जनामा कोरोना संक्रमण पुष्टि भएको छ । पछिल्लो २४ घण्टामा १२२ नमूनाको कोरोना परिक्षण गरिएकोमा २४ जनामा संक्रमण पुष्टि भएको हो ।

अस्पतालका सूचना अधिकारी दिलिप कुमार श्रेष्ठका अनुसार पछिल्लो २४ घण्टामा ४ जना अस्पतालमा भर्ना भएका छन् ।  हाल सेतीमा १५ जना कोरोना संक्रमितको उपचार भइरहेको छ ।

जसमध्ये ४ जनाको आइसियु र ३ जनाको भेन्टिलेटरमा उपचार भईरहेको अस्पतालका सूचना अधिकारी श्रेष्ठले जनाकारी दिए ।