कैलाली जनपुस्तकालयद्धारा एक महिनाको भाडा मिनाह
2020/06/20, 8:21
 
korona

कैलाली जनपुस्तकालयले एक महिनाको भाडा मिनाह गर्ने भएको छ । कैलाली उद्योग वाणिज्य संघ नेपाल सरकार तथा व्यवसायीहरूको अनुरोधलाई आत्मसात गर्दै एक महिनाको भाडा मिनाह गर्ने भएको हो ।

जनपुस्तकालयका सटर तथा कोठा भाडामा लिइ व्यापार व्यवसाय गरिरहेकाहरूलाई लकडाउनले व्यापार व्यवसाय ठप्प भएकोले एक महिनाको भाडा मिनाह गरिने जनपुस्तकालयका अध्यक्ष डाक्टर टिएन जोशीले जानकारी दिए । 

‘मानवताको नाताले एक महिनाको भाडा मिनाहा गरिएको छ ।’ अध्यक्ष जोशीले भने–‘यस्तो विषम परिस्थितिमा अन्य घरबेटी तथा संघ संस्थाहरूलाई पनि सक्दो सहयोग गर्न अनुरोध गर्दछु ।’