धनगढी उपमहानगरपालिकाको स्वास्थ्य शाखाका अनुसार तीन सय ७५ जनामा संक्रमण पुष्टि भएको छ । उनीहरु मध्ये एक सय ९७ जनामा सामुदायिक संक्रमण देखिएको उपमहानगरपालिकाका स्वास्थ्य शाखाका जनस्वास्थ्य निरिक्षक लक्ष्मीराज उपाध्यायले जानकारी दिए ।

सामुदायिक संक्रमण देखिएको सुदूरपश्चिमको अस्थायी राजधानी धनगढीका झण्डै ५२ प्रतिशत संक्रमितको ट्राभल हिस्ट्री खुलेको छैन । यस्तै अहिलेसम्म कोरोना पुष्टि भएका दुई सय १५ जना संक्रमण मुक्त भएको दावी गरिएको छ भने एक सय ६० जना ‘एक्टिभ केस’ अथात् सक्रिय संक्रमित रहेका छन् ।

उनीहरु सेती प्रादेशिक अस्पतालको आईसोलेसन, उपमहानगरपालिकाले स्थापना गरेका संस्थागत आईसोलेसन र होम आईसोलेसनमा रहेका छन् । धनगढीमा कोरोना संक्रमणबाट एक जनाको मृत्यु भईसकेको छ भने एक जना संक्रमित महिलाको भेन्टिलेटरमा राखेर उपचार भईरहेको छ ।