धनगढीका थप ३१ जनामा कोरोना भाइरसको संक्रमण पुष्टि भएको छ । सेती प्रादेशिक अस्पतालमा गरिएको परीक्षणमा मंगलबार  थप ३१ जनामा संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलिपकुमार श्रेष्ठले धनगढी उपमहानगरपालिकाको वडा नम्बर १  र ३ का ६ र ६ जना, त्यसैगरी वडा नम्बर २, ४ र ५ का ३, ३ जना र वडा नम्बर ७ का २ जनामा संक्रमण पुष्टि भएको जानकारी दिए ।

यस्तै वडा नखुलेका ८ जनामा पनि संक्रमण पुष्टि भएको उनले बताए । योसँगै धनगढीमा संक्रमितको संख्या एक हजार ३६ पुगेको छ ।