धनगढीको जुगेडामा सईको कमाण्डमा थप पाँच जना प्रहरी खटाईयो
2020/10/20, 6:43
 
death

धनगढीको जुगेडामा सईको कमाण्डमा थप पाँच जना प्रहरी खटाईएको छ । धनगढी उपमहानगरपालिका वडा नम्बर १२ जुगेडामा तस्करहरुले असई र एक जना प्रहरी जवानको हत्या गरेपछि सईको कमाण्डमा टोली परिचालन गरिएको हो ।

यसअघि जुगेडाको अस्थायी प्रहरी चौकीमा असईको कमाण्डमा १० जनाको टोली रहेको थियो । जिल्ला प्रहरी कार्यालय कैलालीले सईको कमाण्डमा थप पाँच जना प्रहरी खटाईएको हो ।

दुई जना प्रहरीलाई तस्करले हत्या गरेपछि थप प्रहरी परिचालन गरिएको जिल्ला प्रहरी कार्यालय कैलालीका एसपी दिलिप देउवाले जानकारी दिए ।