धनगढी– प्रहरी हत्यामा संलग्न रहेको आरोपमा थप एक जनालाई प्रहरीले आज बिहान पक्राउ गरेको छ । धनगढी उपमहानगरपालिका वडा नम्वर १० बाट हत्यामा संलग्न रहेको आरोपमा रोहित रानालाई पक्राउ गरेको हो । 

धनगढी उपमहानगरपालिका–१२ जुगेडास्थित अस्थायी प्रहरी चौकीका ईञ्चार्ज प्रहरी सहायक निरिक्षक गोविन्द बिक र जवान रामबहादुर साउँदको शनिवार राति गस्तीमा गएको बेला तस्करहरुको समूहले हत्या गरेको थियो । 

घट्नामा संलग्न भएको आरोपमा प्रहरीले यसअघि सात जनालाई पक्राउ गरेर सार्वजनिक गरिसकेको छ ।