कोरोना संक्रमणबाट मृत्यु हुनेको शव धनगढीको पटेला सामुदायिक वन क्षेत्रको खाली जमिनमा व्यवस्थापन गरिने भएको छ । जिल्ला प्रशासन कार्यालय कैलालीमा कार्तिक २० गते बसेको जिल्ला संकट व्यवस्थापन केन्द्रको बैठकले धनगढी उपमहानगरपालिका वडा नम्बर ७ मा पर्ने पटेला सामुदायिक वन क्षेत्र संक्रमितको शव व्यवस्थापन गर्ने निर्णय गरेको हो ।

प्रशासनले बस्तीबाट अलग र खुला क्षेत्र रहेको सामुदायिक वनको उत्तरपट्टीको खाली वन क्षेत्रलाई प्रयोग गर्ने निर्णय गरिएको जनाएको छ ।उक्त विषयमा धनगढी उपमहानगरपालिका, गोदावरी नगरपालिका, डिभिजन वन कार्यालय धनगढी र पटेला सामुदायिक वनलाई आवश्यक समन्वयका लागि अनुरोध समेत गरिएको छ ।