धनगढी उपमहानगरपालिकामा थप १५ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा गरिएको परीक्षणमा धनगढीका थप १५ जनामा कोरोना पोजेटिभ आएको अस्पतालका सुचना अधिकारी दिलिप श्रेष्ठले जानकारी दिए ।
उनका अनुसार सबैभन्दा वढी वडा नम्बर ५ मा ७ जनामा कोरोना पुष्टि भएको छ । त्यसैगरी वडा नम्बर २ र वडा नम्बर चारमा तीन तीन तथा वडा नम्बर १ मा दुई जनामा कोरोना संक्रमण भएको छ । योसँगै धनगढीमा कोरोना संक्रमितको संख्या एक हजार ८ सय ३१ पुगेको छ ।
