धनगढीमा ग्याङफाईटः एक युवकलाई चक्कु हानियो
2021/01/06, 9:34
gaite

धनगढीमा युवकहरु बीचमा ग्याङफाईट भएको छ । बुधबार दुई समुह बीच कुटाकुट भएको हो । युवाहरुको एक समूहमाथि अर्को एक युवा समूहले आक्रमण गरेको प्रहरीले जनाएको छ ।

धनगढी उपमहानगरपालिकाको वडा नम्बर ४ उत्तरबेहडीमा भएको घटनामा चक्कु प्रहारबाट एक युवक घाइते भएका छन् । धनगढी–४ कै १८ वर्षीय भुजन विष्ट घाईते भएको वडा प्रहरी कार्यालय धनगढीले जनाएको छ ।

उनी र उनको समूहलाई मोटरसाइकलमा आएका युवाहरुको समूहले आक्रमण गरी चक्कु प्रहार गर्दै घाईते बनाएको हो । सो समुह चक्कु प्रहार गरी फरार भएको छ । प्रहरीका अनुसार फरार समूहको खोजी भईरहेको छ ।