धनगढीमा एक जना मृत भेटिएका छन । हुलाकी सडक खण्ड अन्तरगत धनगढी उप–महानगरपालिकाको मनेहरामा एक जना मृत अवस्थामा फेला परेको प्रहरीले जनाएको छ ।  आज बिहान मनेहरा स्थित सडक खण्डमा पुरुष मृत अवस्थामा फेला परेको जिल्ला प्रहरी कार्यालयका सहायक प्रवक्ता प्रहरी निरीक्षक हिक्मत थापाले बताए । 

उनका अनुसार मृतकको परिचय खुलेको छैन । हेलमेट लगाएको अवस्थामा भेटिएका ती पुरुषको शवसँगै सडक किनारको निर्माणाधिन कल्भर्टमा मोटरसाइकल समेत दुर्घटनाग्रस्त अवस्थामा फेला परेको छ । उनको दुर्घटनाका कारण मृत्यु भएको प्रहरीले आशंका गरेको छ । घटनाको अनुसन्धान भईरहेको प्रहरीले जनाएको छ।

Edit Ad