सेती प्रादेशिक अस्पतालको डायलासिस वार्डमा एक जना महिलाको मृत्यु भएको छ । बिरंग हेल्थ केयरले सञ्चालन गर्दै आएको डायलासिस वार्डमा गए राति कैलालीको हसुलियाकी महिलाको मृत्यु भएको हो । मृगौला रोगबाट पीडित उनी सेती अस्पतालमा पहिलो पटक डायलासिस गराउनका लागि पुगेकी थिईन् ।

डायलासिस अघि उनको आरडिटी रिपोर्ट नेगेटिभ आएको डायलासिस वार्डका व्यवस्थापक दीपक भट्टले जानकारी दिए । अस्पतालको ईमरजेन्सीबाट उनलाई डाईलासिस वार्डमा ल्याइएको उनले बताए । मृत्युपछि थ्रोट स्वाबको नमूना संकलन गरी धनगढी प्रयोगशालामा पठाइएको छ । डायलासिस वार्डमै मृत्यु भएपछि डायलासिस वार्ड सिल गरिएको छ । मृतक महिला यसअघि नेपालगञ्ज र काठमाडौँमा डायलासिस गराउँदै आएकी थिईन् ।