धनगढीस्थित सानुज पार्लर एण्ड ब्युटी होम अब नयाँ स्थान एसपीए कलेज सडकमा रहेको टु स्टप अटोमोबाइल्सको  छेउमा रहेको मारुति स्क्वायर स्क्वायरको पहिलो तलामा  स्थानान्तरण भई आधुनिक सेवा र सुविधासहित सञ्चालनमा आएको छ। विगत लामो समयदेखि महिलाहरूका लागि सौन्दर्य सेवा प्रदान गर्दै आएको यस पार्लरले नयाँ ठाउँमा अझ व्यवस्थित र आकर्षक वातावरणसहित सेवा विस्तार गरेको जनाएको छ।

नयाँ पार्लरको औपचारिक उद्घाटन सौन्दर्य व्यवसायी अनिल दासले गरे। उद्घाटन कार्यक्रममा स्थानीय व्यवसायी, महिलाहरू तथा युवाहरूको उल्लेखनीय उपस्थिति रहेको थियो।

पार्लरले फेसियल, स्किन ट्रीटमेन्ट, हेयर कट तथा हेयर ट्रीटमेन्ट, मेकअप, नेल आर्ट, ब्राइडल प्याकेज लगायतका सेवा थप आधुनिक ढङ्गले उपलब्ध गराउने बताइएको छ। पार्लरमा हेयर बोटक्स (Hair Botox) केराटिन (Keratin Treatment) आइ ल्याश एक्सटेन्सन (Eye Lashes Extensions)
जस्ता अन्तर्राष्ट्रिय स्तरका सौन्दर्य उपचार सेवाहरू पाउन सकिनेछ।

यससँगै पार्लरले अबदेखि सौन्दर्यसम्बन्धी पठनपाठन (Academy) समेत सुरु गर्ने घोषणा गरेको छ। यहाँ विभिन्न ब्यूटी कोर्स, प्रोफेसनल मेकअप तालिम, हेयर स्टाइलिङ, स्किन केयर लगायतका सीपमूलक प्रशिक्षण कार्यक्रम सञ्चालन गरिनेछन्। यसले युवतीहरूलाई आत्मनिर्भर बनाउन र रोजगारीको नयाँ अवसर सिर्जना गर्न मद्दत गर्ने अपेक्षा गरिएको छ ।