सुदूरपश्चिममा अर्का जनप्रतिनिधिमा पनि कोरोना पुष्टि
2020/06/09, 2:04
korona

सुदूरपश्चिममा एक अर्का जनप्रतिनिधिमा पनि कोरोना पुष्टि भएको छ । डडेल्धुराको परशुराम नगरपालिकामा सोमबार कोरोना पुष्टि भएका ३ जना मध्ये १ जना जनप्रतिनिधि रहेका छन् ।  कोरोना पुष्टि भएकामध्ये ५७ बर्षीय जन प्रतिनिधि रहेको परशुराम नगरपालिका स्वास्थ्य शाखा उप संयोजक हिक्मतबहादुर धामीले बताए ।

कोरोना संक्रमित पुरुष परशुराम नगरपालिका नगर कार्यपालिकाका सदस्य हुन् । उनी त्रिवेणी वहुमूखी क्याम्पसको क्वारेन्टिनमा बसिरहेका थिए । त्यहाँ पुष्टि भएका तीन जनामध्ये अन्य २०, र २५ वर्षीय पुरुष दुबै जना भातबाट आएका हुन ।

उनी वडा नम्बर ५ परिगाउँ र वडा नम्बर ७ साँदनीको क्वारेन्टाइनमा बसिरहेका छन् । डडेल्धुरामा सोमबार सात जनामा कोरोना संक्रमण रहेको पुष्टि भएको थियो । यसअघि कैलालीको गोदावरी नगपालिकाका एक जनप्रतिनिधिमा पनि कोरोना पुष्टि भएको थियो ।