सुदूरपश्चिममा आज २८ जनामा कोभिड-१९ को संक्रमण पुष्टि भएको छ। 

प्रदेशभर ९ सय ५४ जनाको नमुना परीक्षण गर्दा २८ जनामा संक्रमण पुष्टि भएको हो। सेती अस्पतालमा ९४ जनाको नमुना परीक्षण गर्दा ११ जना, महाकाली अस्पतालमा १५ जनाको नमुना परीक्षण गर्दा ३ जना र बैतडी अस्पतालमा १८ जनाको नमुना परीक्षण गर्दा १ जनामा संक्रमण पुष्टि भएको स्वास्थ्य निर्देशनालय डोटीले जनाएको छ। 

यस्तै डडेल्धुरा अस्पतालमा ७ जनाको नमुना परीक्षण गर्दा कसैमा पनि संक्रमण पुष्टि नभएको स्वास्थ्य निर्देशनालयले जनाएको छ। आज १७ जनाले कोरोना जितेर घर फर्किएका छन्। 

निर्देशनालयका अनुसार सुदूरपश्चिममा  एक जनाको मृयु भएको छ । मृत्यु हुनेमा कञ्चनपुरको शुक्लाफाँटा नगरपालिका १० का ४७ बर्षीय पुरुष रहेका छन् ।