सुदूरपश्चिमा २० जनामा कोभिड-१९ को संक्रमण पुष्टि भएको छ। प्रदेशभर पीसीआर र एन्टिजेन बिधिबाट ७ सय ९ नमुना परीक्षण गर्दा २० जनामा संक्रमण पुष्टि भएको हो। 

सेती प्रादेशिक अस्पतालमा १३ जनाको नमुना परीक्षण गर्दा १ जना, महाकाली अस्पतालमा २५ जनाको नमुना परीक्षण गर्दा ३ जना र डडेल्धुरा अस्पतालमा १४ जनाको नमुना परीक्षण गर्दा ७ जनामा संक्रमण पुष्टि भएको स्वास्थ्य निर्देशनालय दिपायल डोटीले जनाएको छ। 

अछाम अस्पतालमा १ जनाको नमुना परीक्षण गर्दा कसैमा पनि संक्रमण पुष्टि नभएको निर्देशनालयले जनाएको छ। आज प्रदेशभर १३ जनाले कोरोना जितेर घर फर्किएका छन्।