सुदुरपश्चिममा हालसम्म दुई सय ४४ जना डिस्चार्ज भएका छन् । कोरोनाका संक्रमित देखिएदेखि विहीवारसम्म दुई सय ४४ जना संक्रमित डिस्चार्ज भएका हुन् । संक्रमित र शंकास्पद गरी पाँच सय २८ जना डिस्चार्ज भएकोमा त्यसमा २४४ जना कोारोना संक्रमित रहेको सुदुरपश्चिम स्वास्थ्य निर्देशनालयले जनाएको छ । 

कोभिड १९ बाट संक्रमित ६८ जना एकै दिन डिस्चार्ज भएका छन् । विहीवार कञ्चनपुर र डडेल्धुरावाट २५÷२५ जना घर फर्केका छन् । त्यसैगरी कैलालीबाट १२ जना, डोटीबाट ५ जना र वाजुराबाट एक जना डिस्चार्ज भएर घर फर्किएको सुदुरपश्चिम स्वास्थ्य निर्देशनालयले जनाएको छ । सुदुरपश्चिममा प्रदेश संक्रमितको संख्या एक हजार ६ सय ६७ जना पुगेको छ ।