धनगढीमा मोटरसाईकल दुर्घटनामा घाईते भएका राष्ट्रिय जनमोर्चाका युवा नेता महेश भट्टको उपचारका क्रममा निधन भएको छ। धनगढी उपमहागरपालिका वडा नम्वर १३ का स्थानीय भट्टको १३ गते धनगढी अत्तरिया ६ लेन सडकमा मोटरसाईकल दुर्घटना भएको थियो।

गाईलाई बचाउँन खाज्दा अनियन्त्रित भएर दुर्घटना भएकोमा उनी गम्भीर घाइते भएका थिए। उनलाई उपचारकालागि नेपालगञ्ज मेडिकल कलेजमा लगिएको थियो। उपचारकै क्रममा मंगलावर बिहान अस्पतालमा मृत्यु भएको हो।

उनको गोदावरी आर्यघाटमा अन्त्येष्टि गरिएको छ। राष्ट्रिय जनमोर्चाको झण्डा ओढाएर अन्तिम श्रद्धाञ्जली अर्पण गरिएको थियो।