दार्चुला - दार्चुलामा सोमवार साँझ चट्याङलाग्दा एक बालकको मृत्यु भएको छ। भने दुइ जना घाइते भएका जिल्ला प्रहरी कार्यालय दार्चुलाले जनाएको छ। सोमवार साँझ साढे ६ बजेतिर खेतमा काम गरिरहेका बेला

दार्चुलाको शैल्यशिखर नगरपालिका–३ दुवेडीका १५ वर्षीय नरेश खत्रीको चट्याङ लागेर मृत्यु भएको हो । चट्याङ लागेर सोही ठाउँका अन्दाजी ३९ वर्षीया मीना खत्री र ३० वर्षीय कुमार खत्री घाइते भएका छन्। मीना र नरेश आमा छोरा रहेको जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए। चिउरी रुखमा चट्याङ परेको र रुख नजिकै खेतमा काम गरिरहेका तीनै जनालाई चट्याङ्ग लागेको थियो ।

Edit Ad