धनगढी - धनगढीबाट लागुऔषधसहित ३ जना पक्राउ परेका छन्। धनगढी उपमहानगरपालिका–१२ जुगेडा गाँउका ३५ वर्षीय शेर बहादुर भण्डारी र २७ वर्षीय राकेश भट्ट लागुऔषधसहित आइतवार पक्राउ परेका हुन् ।

जिल्ला प्रहरी कार्यालय कैलाली र अस्थाई प्रहरी पोष्ट जुगेडाबाट खटिएको प्रहरी टोलीले दुबै जनालाई नियन्त्रणमा लिएको हो। प्रहरीले भण्डारीले संचालन गरेको दुर्गेश्चरी मासु पसलमा शंकालागि चेकजाच गर्दा १ ग्राम लागुऔषध फेला परेको जनाएको छ।

यस्तै आइतवार साँझ धनगढी उपमहानगरपालिका–७ मनेहरा का २५ वर्षीय गोबिन्द राना लागुऔषधसहित पक्राउ परेका छन्। उनलाई शंकालागी चेकजाँच गर्दा १ ग्राम ७ मिलिग्राम लागुऔषध भेटिएको प्रहरीले जनाएको छ । सो सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालय कैलालीले जनाएको छ।