धनगढी स्थित दिनेश सञ्चार गृहमा आक्रमण गरेको आरोपमा धनगढी उप–महानगरपालिका वडा नम्बर ५ का जीवन भनिने समीर विक पक्राउ परेका छन् । विकलाई धनगढी उपमहानगरपालिका वडा नम्बर ६ को ढुङ्गेबजारबाट पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरिक्षक प्रतीक विष्टले जानकारी दिए । 

पक्राउ परेका विक धनगढी उपमहानगरपालिकाका मेयर नृपबहादुर वडका भतिजा हुन् । मेयरको राजनीतिक आडको फाईदा उठाउँदै विकले गत भदौ २६ गते आक्रमण गरेको दिनेश सञ्चार गृहले दाबी गरेको छ ।  

जिल्ला प्रहरी कार्यालयको हिरासतमा धनगढी ५ का १९ वर्षीय युवक रोशन विकको मृत्यु भएको घटनामा सञ्चार गृहबाट प्रकाशित समाचारप्रति असन्तुष्टि जनाउँदै भदौ २६ गते विकको समूहले आक्रमण गरेको थियो ।