कैलालीमा एक जना मृत अवस्थामा फेला परेका छन्। जिल्लाको  गोदावरी नगरपालिका –६ का ५८ वर्षीय धनबहादुर ऐर घरबाट १५० मिटर टाढा धान खेतमा मृत अवस्थामा फेला परेको प्रहरीले जनाएको छ। 

उनको शव सोमबार साझ फेला परेको  जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतिक विष्टले जानकारी दिए। आइतबार साझ घरबाट निस्केका उनी सोमबार साझ मृत अवस्थामा फेला परेको डिएसपी विष्टले बताए। 

‘शव नजिकै विषादी सल्फासको बत्ता समेत फेला परेको थियो। घटनासम्बन्धी थप अनुसन्धान गर्न शवलाई पोष्टमार्टका लागि हिजो नै सेती अस्पतालमा पठाइसकिएको छ’ उनले भने।