धनगढीमा डा. गोविन्द केसीको जीवन रक्षाको माग गर्दै सुरु गरिएको प्रदर्शनलाई जारी राखिएको छ।  डाक्टर केसीको समर्थनमा बुधबार पनि धनगढीको पार्कमोडमा प्रदर्शन भएको छ। छैटौं दिनको प्रदर्शनमा उत्रिएका समर्थकहरुले डाक्टर गोविन्द केसीको जीवन रक्षा गर्नुपर्ने, सबै मागहरु पूरा गर्नुपर्ने लगायतका प्लेकार्डहरु बोकेका थिए। 

डाक्टर गोविन्द केसी गत भदौ २९ गतेदेखि जुम्लाको रानीचौरस्थित बाबिरामष्ट मन्दिरमा १९औं अनसन बसेका थिए। तर स्वास्थ्यमा समस्या भएपछि उनलाई त्यहाँबाट काठमाडौं लगिएको छ। 

स्वास्थ्यमा समस्या देखिन थालेपछि डाक्टर केसीलाई प्रहरीले बलपूर्वक ट्रमा सेन्टर पु¥याएको थियो।