दार्चुलाको होटलमा प्रहरीका सई मृत फेला
2020/09/25, 10:29
 
death

दार्चुलामा एक जना नेपाल प्रहरीका प्रहरी नायव निरिक्षक (सई) मृत फेला परेका छन्। प्रहरी नायव निरिक्षक धु्रब रावल मृत फेला परेका हुन्। शुक्रबार बिहान ४ बजे होटलकै शौचालयमा लडेको अवस्था भेटिएका उनलाई जिल्ला अस्पताल पुगाउँदा डाक्टरले मृत घोषणा गरेका थिए। 

सदरमुकाम बंगाबगडस्थित जयदुर्गा भवानी होटलको शौचालयमा मुखबाट रगत बगेको अवस्थामा भेटिएका थिए। घटनाबारे शुक्रबार विहान होटल मालिकले प्रहरीलाई खबर गरेपछि अस्पताल लैजाँदा रावलको मृत्यु भइसकेको प्रहरीले जनाएको छ।

घटनाबारे अनुसन्धान भईरहेको जिल्ला प्रहरी कार्याल दार्चुलाका प्रमुख तथा प्रहरी नायव उपरिक्षक पदमबहादुर विष्टले बताए। रावल दल्लेख प्रहरी चौकीबाट सरुवा भएर इलाका प्रहरी कार्यालय हुती सरुवा भएका थिए। 

अछाम घर भएका मृतक सईका दुई छोरा र एक श्रीमती धनगढी बस्दै आएका छन्।