धनगढी–अत्तरिया ६ लेन सडकमा विङगरले ‘मोर्निङ वाक’ गर्ने चार जनालाई ठक्कर दिएको छ । भे १ ज ६१८ नम्वरको विङगरले ६ लेन सडक अन्तरगत अत्तरियाको मनिषा पेट्रोल पम्प अगाडि ठक्कर दिएको जिल्ला प्रहरी कार्यालय कैलालीले जनाएको छ । 

कार्यालयका प्रवक्ता तथा प्रहरी नायव उपरिक्षक प्रतिक विष्टले विङगरको ठक्करबाट चार जना घाईते भएको जानकारी दिए । घाईतेमध्ये गोदावरी नगरपालिका वडा नम्वर १ का ११ बर्षीय चादनी महराको अवस्था गम्भिर रहेको छ ।

उनलाई उपचारका लागि कोहलपुर पठाइएको छ भने अन्यको अवस्था सामान्य छ । विङगर अनियन्त्रित भएर दुर्घटना भएको प्रहरी नायव उपरिक्षक विष्टले बताए ।