मंगलबारदेखि शनिबारसम्म विद्युत अवरुद्ध हुने भएको छ । नेपाल विद्युत प्राधिकरणको लालपुर एक सय ३२ केभी सवस्टेशनमा ट्रान्सफर्मर फेर्नुपर्ने भएकोले विद्युत अवरुद्ध हुने भएको हो । अत्तरिया ग्रिड शाखाले सुचना जारी गर्दै विद्युत अवरुद्ध हुने जनाएको हो ।

लालपुर सवस्टेशनमा १५ एमभीएको ठाउँमा ३० एमभिए क्षमताको ट्रान्सफर्मर जडान गर्नका लागि विद्युत सेवा प्रभावित हुन लागेको हो । सवस्टेशन अन्तर्गतको वेतकोट नगरपालिका, भीमदत्त नगरपालिका, शुक्लाफाँटा नगरपालिका, बेलौरी नगरपालिका, पुर्नवास नगरपालिका, वेल्डाडी गाउँपालिका र लालझाडी गाउँपालिकामा आलोपालो रुपमा विद्यतु आपुर्ति हुने ग्रिड कार्यालय अत्तरियाको सुचनामा उल्लेख गरिएको छ ।