बैतडीमा जिप दुर्घटना हुदा ५ जनाको ज्यान गएको छ । झुलाघाट बाट गोठलापानी तर्फ आउदै गरेको ना १ ज २१९६ नम्बर जिप आज दिउँसो १ बजेर ४० मिनेटमा बुढ्ढा नजिकै दुर्घटना हुँदा ५ जनाको घटनास्थलमै ज्यान गएको जिल्ला प्रहरी कार्यालय बैतडीका प्रहरी कार्यालय बैतडीका प्रबक्ता जनक बहादुर धामीले जानकारी दिए । 

दुर्घटनामा परी कलावती चन्द, भगिरथ पाण्डेय, पार्वती चन्द, सोही नामकी अर्की पार्वती र कृष्ण लावडको घटनास्थलमै मृत्यु भएको छ । यसैगरी घाईते हुनेमा रविन्द्र चन्द, प्रदीप लावड, खपेन्द्र जोशी, कृष्णानन्द भट्ट र अर्का दुई जना गरी ६ जना रहेका छन् । 
दुर्घटनाको कारण खुल्न सकेको छैन् । जीपका चालक फरार रहेको प्रहरीले जनाएको छ । विस्तृत विवरण आउन बाँकी छ।