कञ्चनपुरको पुनर्वासमा बिधुत सर्ट हुदा एक सिलाई पसलमा आगलागी भएको छ ।बुधबार राती पौने १० बजे बिधुत सर्ट हुँदा पुनर्वास९६ स्थित न्यु काठमाडौ मामा टेलर्समा आगलागी भएको हो ।

आगलागीबाट उधारो लेनदेनको खाताहरु, बिहेका लागि सिलाउन दिएका कोट पाईन्टहरु ,सिलाउन बाकी कपडाहरु, सिलाई मेसिन , फर्निचर र नगद २५ हजार सहित करिब ७ लाख रुपैयाँ बराबरको नोक्सान भएको टेलर्स सञ्चालक अशोक दर्जीले जानकारी दिए ।

उनका अनुसार बाटोमा हिड्ने बटुवाले आगो लागेको थाहा पाएपछि वरपर सबैलाई जानकारी गराएको र स्थानीय सबैको सहयोगबाट आगो करिब एक घण्टा पछि नियन्त्रणमा आएको बताए