कैलालीको धनगढी उपमहानगरपालिका १४ फूलवारीका दुई महिलाले दुनाटपरी उद्योग सञ्चालन गरी राम्रो आम्दानी गर्न थालेका छन् । स्थानिय सरिता बुढामगर, भावना पुलामीमगरले छुट्टा छुट्टै लगानीमा उद्योग संचालन गरका हुन् । 

झण्डै २ लाख लगानीमा ३ वर्ष पहिला समुह बनाउर उद्योग संचाल गरेका भए पनि आहिले आएर उनिहरुले छुट्टा छुट्टै लगानीमा उद्योग संचालन गरिरहेका हुन् । समान्य लगानीमा दुनाटपरी बनाउने मेसिन खरीद गरी व्यवसाय सुरु गरेको उनीहरुले अहिले आएर रार्मै आम्दानी गरिरहेका छन् । घर खर्च चलाउन उनिहरुलाई सहज भएको छ भने दिनप्रतिदिन आम्दानी बढेको छ ।

नियमिति एक जनाले ३ जना लाई पुर्णकालिन रोजगारी दिईरहेका छन् भने दुवै जनाले आंसीकरुपमा ३० ३५ जनालाई रोजगारी दिईरहेका छन् । सालको पातबाट बनाइने दुनाटपरी उद्योग गाउँमै सञ्चालन गर्दा गाउँका ४० देखि ४५ परिवारका बुढापाखा र फुर्सदिला मान्छेहरुले रोजगारी पाएको स्थानीयको पाएका छन् । साइजअनुसार एकदेखि ३ रुपयाँसम्म मुल्य पर्ने दुनाटपरीको लागि कच्चापदार्थ भने स्थानीयबाट खरिद गर्ने गरेको सञ्चालक सदस्य भावना पुलामीमगरले बताइन ।

कच्चापदार्थ बिक्रीबाट स्थानीयले प्रतिव्यक्ति ३ सयदेखि ५ सयसम्म आम्दानी लिने गर्छन् । फुर्सदको समयमा, गोठालो जाँदा अर्थात् घरमा बस्ने बुढापाकाहरुले पनि काम गरेर राम्रो आम्दानी लिइरहेको सञ्चालक पक्षको दाबी छ । सञ्चालिका सरिता बुढामगरले सानै छँदा माइती घर नवलपरासीदेखि सिकेको सीप सदुपयोग गरी स्थानीयलाई रोजगारी दिनको लागि व्यवसाय गरेको बताइन् ।आफ्नो माइतीघर नवलपरासीको देउरालीको उद्योगमा ३५ ओटा मेसिनले काम गरिरहेको उनी बताउँछिन् । दुनाटपरीले राम्रो बजार पाउँदा व्यापार पनि निकै फस्टाएको उनले थपिन् । दुवै सञ्चालिकाका श्रीमानको रोजगारीले आएको पैसा पुर्णरुपमा पैसा बचत हुने गरेको छ भने सो पैसाले उनिहरुले घर र जमिन समेत जोडेका छन् ।

अहिले उद्योगमा दैनिक एक हजार थानसम्म उत्पादन गर्न सक्ने क्षमता रहेको उनले जनाइन् । सुरुसुरुमा भएकोले व्यापार त्यति राम्रो नभए पनि उद्योग सञ्चालन गर्न भने त्यति असहज नभएको सञ्चालकहरु बताउँछन् । कैलाली जिल्ला भारतको सीमा नजिक पर्ने र प्लास्टिकका सामानहरु सस्तो पाईने भएकोले दुनाटपरीले त्यति बजार नपाएको सञ्चालकहरुको भनाई छ ।

पर्यावरणीय दृष्टिकोणले निकै फाइदाजनक मानिने दुनाटपरी माग बढ्दै गएको भए पनि यसको प्रवद्र्धनका लागि सरकार तथा सम्बन्धित निकायले कुनै चाँसो नदिएको उनीहरु बताउँछन् । गाउँघर शहरमा बिवाह, भोजभतेर तथा ब्रतबन्धमा प्रयोग हुने दुनाटपरी कैलाली जिल्लाभरका स्थानीयहरुले प्रयोग गर्न थालेको बुढामगरले बताइन् । बिद्युत भोल्टेज कमहुदा भने उनिहरुले केही समस्या ब्यहोरिहेको बताएका छन् सरकारलाई उनिहरुका अद्योगहरुलाई प्रर्बद्धन गर्ने कुनै योजना नल्याएको देख्दा उनिहरुलाई दुख लागेको छ ।