कञ्चनपुरमा २ जना मृत अवस्थामा फेला परेका छन् । जिल्लाको वेदकोट नगरपालिका–३ का ३० वर्षीय लक्ष्मण दमाइको ससुराली गएका बेला मृत्यु भएको प्रहरीले जनाएको छ । 

जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले वेदकोट नगरपालिका–२ मा रहेका ससुराली घरको आगनमा लडिरहेको अवस्थामा भेटिएका दमाइको अस्पताल पु¥याउदा सम्म मृत्यु भएको बताए ।

त्यसै गरि पुनर्वास नगरपालिका ४ को घ गाउँमा रहेको महादुर्गा टाटा इँटा भट्टामा कार्यरत ७१ वर्षीय किसुन सरोज मृत अवस्थामा फेला परेको प्रहरीले जनाएको छ ।

राति सुतेका भारतको प्रतापगढ जिल्लाको नवहता ग्राम घर भएका सरोज बिहान मृत अवस्थामा भेटिएको प्रहरी नायब उपरीक्षक थापाले  जानकारी दिए ।