बाजुराको धार्मिक तथा पर्यटकीय क्षेत्र बडीमालिकामा पनि हेलिकोप्टरबाट घुम्न सकिने भएको छ ।  खप्तड होम स्टेको सहयोगमा आईतबारदेखि दिपायल– बडीमालिकासम्म ‘हेली टुर प्याकेज’को सुरु हुने भएको हो । 

नेपाल पर्यटन बोर्डका सिईओ डाक्टर धनन्जय रेग्मी र बोर्डका सदस्य कृष्ण महाराले ‘हेली टुर प्याकेज’ को शुभारम्भ गर्ने कार्यक्रम रहेको छ ।

सो प्याकेज माघ २५ गतेसम्म संचालन हुने छ । गत माघ १४ गतेदेखि १८ गतेसम्म खप्तड हेलि टुर सकिएसँगै बडिमालिक टुर प्याकेज सुरु हुने खप्तड होम स्टेका संञ्चालक दिपक खड्काले बताए । 

बडीमालिका र खप्तडको पर्यटन प्रबद्धन गर्न माउन्टेन हेलिकेप्टरको समन्वय तथा खप्तड होम स्टेको सहयोगमा सो प्याकेज ल्याईएको हो । हेलिकेप्टरबाट दिपायल–बडीमालिका जान प्रति व्यक्ती २७ हजार ५ सय तोकिएको छ ।