धनगढी : नेपाल प्रेस युनियनले पत्रकार महासंघ कैलालीको अध्यक्षमा युनियन कैलालीका अध्यक्ष श्रवण देउवालाई उम्मेदवार तोकेपछि आधिकारिक प्यानल घोषणा गरिएको छ । प्रेस युनियन, प्रेस चौतारी र प्रेस संगठनको सयुत्त आधिकारिक प्यानल घोषणा गरिएको हो । अध्यक्षमा देउवा, उपाध्यक्षमा हर्कबहादुर बिक, उपाध्यक्ष (महिला) मा दुर्गा देवकोटा, सचीवमा युवराज न्यौपाने, सहसचिवमा घनश्याम पौडेल र कोषाध्यक्षमा लक्ष्मीप्रसाद जैशी उम्मेदवार रहेका छ्न । यस्तै सदस्यमा दीपक उपाध्याय, शंकर बोहरा, नवराज पनेरु, कृतबहादुर बिष्ट, पाण्डव पुजारा, लोकबहादुर देउबा, सुरेन्द्र ताम्राकार र कृष्णप्रशाद ओझा रहेका छन् । २५ गते हुने निर्वाचनका लागि युनियले देउवालाई आधिकारीक उम्मेदवार तोकेको थियो । उनकै नेतृत्वमा रहेको एलाईन्सबाट चार जना भने निर्वीरोध निर्वाचित भईसकेका छन् ।